FILASTROCCHE
Filastrocche per i più grandi
Luna luna
Luna,luna,luna Di lu cielu si patrona, unni vai a tali banni mi saluti San Giovanni. San giovanni a la marina Mi saluti Catirina, Catirina, Catirina Cu t’à desi sta catina? Mi la resi lu signuruzzu, la Matri di Diu e San Giusippuzzu.
CAVADDU CA CURRISTI
Cavaddu ca curisti a militeddu di cussa ‘n cussa ti manciasti gnaddu.
Signuruzzu
Signuruzzu faciti bon tempu Quantu usca dinaru u papà Ci cattamu lu sciccareddu E a cavaddu si metti a mammà.
U bedd’affari di cumpari Iannuzzu
Chi bedd’affari ca’ fici Cumpari Iannuzzu Si puttau a mugghieri a ballari. O primu ballu asciddicau e si rumpiu lu cuozzu Chi bedd’affari ca fici Cumpari Iannuzzu
Cucuzzummulu
Cucuzzummulu middi middi Unni ieru i to capiddi? Sinni ieru a middiari Cuccuzzummulu cuomo a fari?
U mastru pittinaru
U mastru pittinaru nicuzzianti fuotti si ‘nfina nintra Tripuli je qualieri (colera) nun ci nni putta. Bi bim bo fatti li fatti to bi bim bo fatti li fatti to.
Sutta ‘m peri di rusidda
Sutta ‘mperi di rusidda c’è na santa picciridda ca dumanna ‘n sanareddu pi cattarisi nu cappeddu. Lu cappeddu ci abbulau a rusidda ci arristau ci arristau spampanata viva viva a ‘Mmaculata a ‘Mmaculata patturiu fici ‘n fighiu e ci muriu si chiamava Sabbaturi mittitici turi comu u Signori.
Vattinni Paulu
Vattinni Paulu, ca m’arricchisti, nenti puttasti e a casa inchiesti. Era megghiu can un vineutu A casa i pipi nun m’a incheutu.
Manziornu
Manziornu tavola attornu veni a jatta e s’allicca lu cornu.
Maria lavava
Maria lavava, Giuseppe stinneva so figghiu chianceva ca pappa vuleva “Zittiti figghiu ca ora ti pigghiu ti dugnu a nennè ca pappa ‘ncinne”.
Minichedda
Minichedda tabaccu tabaccu Oggi ti pigghiu, dumani t’attaccu e t’attaccu a ‘n putticatu Minichedda co culu cacatu.
|
Chi?
Chi? Chicchirichi. Sutta u lettu ci nnè tri E cu tia fanu quattro Tu si u sceccu e iu ti cacciu E ti cacciu c’un vastuni Tu si u sceccu e iu u patruni.
Sabatu rallegra cori
Sabatu rallegra cori, beatu cu avi beddi li mugghieri, cu l’avi brutti ci scunchi lu cori e nun miri l’ura c’agghiuonna luni.
Ziu, Ziu
Ziu, ziu, ziu a varba vi cariu vi cariu ‘mmenza a chiazza ziu,ziu ca varbazza.
A festa dè parrini
A la notti di Natali Fannu festa i parrini, maccarruni e ghiritali, tagghiateddi fini fini.
Giuvanni paparacianni
Giuvanni paparacianni Jetta pirita e fa castagni Di castagni nun ci n’è Jetta pirita e fa cafè.
Miau,miau,miau
Lu vapori sta pattennu A carrozza sta ‘mpaiannu. Pippineddu sta iucannu ca si voli maritari. Passa la zita cu la vistina i sita. Passa la cugnata cu la vistina raccamata. Passa la zia Peppa cu la quattara ‘ntesta. Passa lu baruni cu ‘n piattu i maccarruni. Miau, miau, miau Tuttu u iattu su manciau
Dumani e duminica
Dumani e duminica ci tagghiamu a testa a minica Minican un c’è ci tagghiamu a testa o’re u re e malatu ci tagghiamu a testa o’ suddatu u suddau è a fari e vierra pigghia u culu e ‘ntappa ‘nterra.
Pigghiti u mastru
Pigghitillu c’o mastru e’ bonu, ti fa u pani ca giugiulena ti lu metti no cantaranu, ti su fa viriri di luntanu
Comu chianci ma figghiu
Comu chianci ma figghiu Peppi ca ‘a so zita e partuta a Missina no nun chianciri, nun chianciri no c’o tempo passa e la zita è to,e to,è to.
Luna, lunedda
Luna, lunedda Fammi na cudduredda Fammilla bedda ranni Si no ti scacciu li janchi i janchi su cuticchiuni affaccia affaccia lu baruni. Lu baruni dici a missa Affaccia affaccia la badissa. La badissa frii l’uova affaccia affaccia San Nicola. San Nicola scaccia nuciddi Pi chiamari e picciriddi. I picciriddi jannu fami pi chiamari e mulinari. I mulinari jannu u frummentu pi chiamari u bastimentu. U bastimentu javi a farina pi chiamari la jaddina. La jaddina furria furria e fa n’uova quantu a tia.
|
Bafè biscotti e mine
C’èra na uota nu re bafè biscottu e minè c’aveva na figghia bafigghia biscottu e minigghia e la so figghia bafigghia biscottu e minigghia aveva n’aceddu bafeddu biscottu e mineddu. E allora nu jonnu st’aceddu bafeddu biscottu e mineddu si ni abbulau. Allura lu re bafè biscottu e minè misi lu bannu: - A cu trova l’aceddu bafeddu biscotti e mineddu ci dugnu a mo figghia bafigghia biscottu e minigghia. Allura si presenta nu ciottu rugnusu bafusu biscottu e minusu no re bafè biscottu e minè: - Se iu trovu l’aceddu bafeddu biscottu e nineddu ma dati a vostra figghia bafigghia biscottu e minigghia? Allò lu re bafè biscottu e minè: - Si, se potti laceddu bafeddu biscottu e mineddu. Ti dugnu a me figghia bafigghia biscottu e minigghia. Allura su ciottu rugnusu bafusu biscottu e minusu ci puttau l’aceddu bafeddu biscottu e mineddu. - Vui ma dati a vostra figghia bafigghia biscotti e minigghia? - A vattini, ciottu rugnusu bafusu biscottu e minusu ti dugnu a me figghia biscottu e minigghia!
|
Filastrocche per i più piccini
Vabbagghieddu Vabbagghieddu, ucca d'aneddu nasu i cannila, occhi i cira, cigghia d'amuri frunti balata e... cca, c'è na tumpulata....
Putì Putè Putì,putè, a mamma nunc'è à ghiutù o mulinu e putta 'n saccu chinu chinu di pagghia, chinu di stuppa, vieni la ciaula e tuttu si l'ammucca!
|
Cari, cari, cari Cari,cari,cari lu re si mangia l'ali, lu riuzzu nu iadduzzu, la riggina na jaddina e a Pippineddu na minnuzza chino, china, china, china.
manu modda
Manu modda manu modda manu modda, lu Signuri ti la 'ncodda, ti la 'ncodda cu lu sali maccarruni e ghiritali. |
Canzoncine per bambini
NA, NA, NA
Na, na, na, e a mulietta chi ciauru fà e a mulietta vuoli u cutugnu vuoli u cutugnu ca pampinà.
U PICCIRIDDU CHIANCI
U picciriddu chianci no cursu da nuttata, si susi a cammarera e ci duna n'annacata. U piccirirru chianci no cursu da matina, si susi a cammarera e ci duna na mannarina. |
QUANT'E' BEDDU STU FIGGHIU
Quant'è beddu stu figghiu, picciotti si lu vonnu arrubbari la genti, ma sò matri ca je vigilanti lu talia cull'uocchi vigghianti.
MANU, MANUZZI
Manu manuzzi pani e ficuzzi vieni lu tata e ti porta na cuppulata! |
Canzoni a dispetto
BRUTTA VICCHIAZZA
Brutta vicchiazza viri ca nun si bona, fatti la truscitedda picchì pi mia nun sebbi chiù. Dumani mattina veni c'agghionna, idda si susi a menzionnu gira e vota, vota e gira si o liettica n'autra vota. Aieri sira ci accattai quattru mazza di finuocchiu, quattru mazza di ciauli e 'm brocculu e sunu misi ancuora dda. Ie cuomu aia fari, ie cuomu aia diri, ca ciù dissi avanti arrieri ca sta vecchia di mo mugghieri pi mia nun sebbi chiù
FACCI DI PALLA
Facci di palla si na ruvina, u pani schittu a tia nun ti cala, dimmillu chiaru com'è ca fu, ca di sa razza ci nascisti sulu tu. Iai l'uocchi spaccati comu na iaddina a ucca ranni ca pari na fogna u nasu l'ai n tubbu i veriogna ta patri farfallieddu fu, si immuruta d'avanti e d'arreri cu l'anchi stuotti tutti appucciddati, campari na stu munnu fai "piccatu" megghiu t'affuchi e nun ci campi chiù.
|
PERI D'ARANCIU
Peri d'aranciu comu ti piddisti pi li mali cunsigghieri! Ierutu duci e jauru ti facisti ca ti mancau l'acqua di lu peri. Ierutu 'n giardinu di tutti billizzi ci passaunu cunti e cavalieri, uora sciumi i currenti ti facisti cu passa e spassa si lava i peri.
CATARINA
"Catarina chi manciasti anciuovi, ca troppu spissu alla funtana vai?" "Ci vaiu pi passarimi lu tiempu ca schietta sula arristai na stu cummientu".
ARRASSU, ARRASSU
Arrassu, arrassu, nun tiegnu chiù spassu nemmenu dugnu cunfirienza a tia, nun è scaluora ca si vinni a mazzu nemmenu ristaturi di putia. Iera jalofuru di na megghiu rama chiddu ca dava cunfirenza a tia. Uora ca all'ultimi uri siemu iunti quannu saluti c'è, i vai nun su nenti. |
Scioglilingua
Paula Piula caccarazza fa li figghi e poi l'ammazza e l'ammazza a unu a unu, Piula Paula figghia i nissunu.
******* Suttu u lettu da zia Mattia, iennu viennu cuttuni cugghiennu, addinucchiuni cugghiennu cuttuni.
******** Unni vai? O cugnu, a cogghiri cugna. E o Cugnu ci su cugna? E se o cugnu, nun ci fussuru cugna, chi ci issi a fari o cugnu a coghiri cugna? |
Pasquali spacca a mia e iù nun ma firu a spaccari a Pasquali.
*********
Rapu u stipu e pigghiu u specchiu.
*********
Sutta 'n palazzu c'è 'n cani pazzu T'è pazzu cani stu pezzu di pan. |
Augusta in versi
Augusta
Austanisa sugnu e minni vantu pirchì sta terra è china d'incantu celesti è sempri u celu e sempri u mari fa di sta terra una dè cchiu rari. Sifonia si chiamava anticamente ma poi fu fabricata novamenti. Megara la chiamarunu i megarisi quannu lassaru i petri di lu sò paisi. Augusto imperaturi e gran suvranu distrutta ca la visti - tantu umanu - la fici d'accapu fabbricari e lu sò nomu ci vosi già dari. E Austa si criò sempri cchiù bedda e s'arricchiu di palazzi di zaghiri e funtanedda. |